====== Transliterador para ficheiros po de portugués a galego ======
Este é un conxunto de guións de perl e bash que permite a transliteración de ficheiros po en portugués para galego na norma oficial.
O transliterador foi inicialmente elaborado por Alberto García, e posteriormente modificado por [[http://gramatica.usc.es/~gamallo/index.html|Pablo Gamallo]]. A ambos os dous debemos agradecer a súa elaboración. Tamén debo dar as grazas a Susana Sotelo, que puxo os guións na súa páxina web para poder obtelos.

===== Modo de obtención =====
Podes obté-los {{trasno:transliterador2.tar.gz| desde aquí mesmo}}

===== Contidos do paquete =====
Este paquete tar comprimido contén varios ficheiros, dos cais só dous son relevantes para o seu uso:
* INSTRUZÓNS
* trans_ofic.x

O primeiro deles contén os pasos detallados para o uso do transliterador. O segundo é un guión de shell que, grazas aos outros ficheiros do pacote, executa a transliteración.

Os pasos detallados son:
- Copie o ficheiro xxx.po no cartafol que conteña os guións.
- Converta para a codificazón iso-8859-1 mediante o comando msgconv:
       msgconv -t iso_8859-1 xxx.po -o xxx_conv.po
        Nota: en ocasións o ficheiro utf-8 contén carácteres non convertíbeis a iso-8859-1,
            polo que é preferíbel non automatizar este proceso.
- Translitere:
         ./trans_ofic.x xxx_conv.po
        Criará-se un ficheiro de nome xxx_gal.po
- Verifique a validez como ficheiro po:
        msgfmt -o /dev/null xxx_gal.po
	Nota: os casos de fallo mais habituais son debidos a erros coas mensaxes obsoletas.
        Caso de producir-se este erro, abra-se o ficheiro cun editor de texto (por exemplo: kate ou vim)
            e eliminen-se as últimas mensaxes, nas cais o msgid estará antecedido por '#~' mentres que
            o msgstr ha estar antecedendo a tais carácteres.
        Esta etapa debe repetir-se até que o ficheiro sexa compilábel.
- Reconverta á codificazón utf-8:
         msgconv -t utf-8 xxx_gal.po -o xxx.po
- Aplique transpo para "galeguizar" certas expresións e corrixir certos erros de xénero que aparecen ao transliterar (exemplo: a pasta -> o cartafol):
        ./transpo -d tr_galego.dict xxx.po
- Abra o ficheiro xxx.po do repositorio/copia local mediante kbabel. Caso de non existir, criará-se.
- Aplique Ferramentas -> Tradución Rápida, escoller "Non Traducidas" e se "Dubidosas", non inicializar as entradas específicas de kde e marcar as cambiadas como dubidosas. Escoller "PO Auxiliar", configurar e escoller o ficheiro xxx.po desta localizazón (o que acabamos de transliterar). Aceitar e aceitar.
- Xa o está, agora hai que revisar á mao cada unha das cadeas, facendo os cambios oportunos.

===== Problemas coñecidos =====
Como se comentou acima, o transliterador no seu estado actual ten problemas coas mensaxes obsoletas. Ademais, non procesa lotes de ficheiros, senón que está pensado para traballar sobre ficheiros individuais. A necesidade de converter a codificación tamén trai problemas.

===== Advertencia Final =====
Recomendase a utilización deste guión cun cuidado extremo, e en particular realizar unha revisión letra por letra de cada unha das mensaxes transliteradas, co obxectivo de garantir a rigorosidade do resultado final.