Free Translation Project

De Proxecto trasno

Esta é a páxina sobre o equipo galego de tradución no Translation Project da Universidade de Montreal.

Que é o Free Translation Project?

O Translation Project (ou TP) é un proxecto de tradución de diversas utilidades e aplicativos de Software Libre. Os autores destos aplicativos cédenlle ao TP a xestión das traducións (organización de grupos para cada idioma, asignación de responsables, recollida, procesamento e envío dos ficheiros traducidos), aproveitando o sistema automatizado do que dispón o TP.

Inicialmente estaba ligado ao proxecto GNU, polo que as ferramentas deste proxecto seguen a ser maioritarias, aínda que non as únicas, como se pode comprobar na lista de aplicativos dispoñibles para traducir.

Quen coordina o grupo galego?

Actualmente non hai ningún responsable para este grupo de tradución. Se queres colaborar, escribe á lista de correo ou directamente a Francisco Javier Tsao Santín, o actual coordenador.

Requisitos especiais para as utilidades GNU

Para o caso particular das ferramentas do proxecto GNU, é previamente imprescindíbel encher, imprimir, asinar e enviar o que lle chaman un Translation Disclaimer, no que, en resume, declaras que non vas tentar impoñer límites á distribución das traduccións de utilidades GNU que fagas.

Podes atopar nesta páxina información máis detallada sobre o disclaimer e o procedemento para envialo. Ligazóns

  • Web do Translation Project
  • Estatísticas de tradución do equipo galego

Historia do grupo de tradución

  • Xullo de 1999: Creado o grupo de tradución a galego do GNU Translation Project, con Jacobo Tarrío como coordinador.
  • Abril de 2008: Reactivado o grupo de tradución ó galego do GNU Translation Project, con Francisco Javier Tsao Santín como coordinador.
Vistas
  • Artigo
  • Conversa
  • Ver o código fonte
  • Historial
Ferramentas persoais
  • Rexistro
Caixa de ferramentas
  • Páxinas que ligan con esta
  • Cambios relacionados
  • Páxinas especiais
  • Versión para imprimir